غرامك يا سمرة

من طرف **Admin** 5/12/2011, 1:17 am

عينيك ياسمرة قتالين بلا ســلاح واللي يشوفك يســـــبح الإلــــــــــه

واللِّي يشوفك ياسمرة مـــايرتــاح يتمحمح قلـــــــــــبو وتسكـنوا الآه

غرامك ياسمرة ماعندو مفتـــــاح واللي حَبِّك ضاع في سـحرك وتاه

وصفك يزيان في الخاطر يملاح واللي يقولوا رمـــــــشك نقـــــــراه

مكتوبي أنكون سندباد ســـــــواح وبحر حبك يا سمــــــــــــــرة أداه

مكتوبي نسافر بين الورد الـفواح لا سلطان ونــــــجيبك ولا جـــــاه

ياتمحاني اطلقت لقلبي الـــسراح من همو ضيعني وضعت امـــــعاه

ماذا هبَّط جدي آدم قا التــــــفاح وبعد الجنة ولَّى تايه في منــــــفـاه

لولا رحمة ربي ماشاف أصباح والمضيوم أذا طلـــــــبوا لبَّـــــــــاه

الدنيا فانية واللِّي فيها تشـــــباح أنْوَصِّيك هــذا القليب الـــكَيْ أدواه

اصبر حتى وتضرك لـــــجراح ما تقول كيفاه ما تقول ومْـــــــنــاه

صلِّي واطلب التوبة والــصَّلاَحْ كَثَّرْ من المـعروف غـــدوة تلــــقاه

قوادري جاب القول يا فُـــصَّاح يلعن إبليس خوف ربي تــــقــــواه

الادريسية عنواني بر الصــلاّح آخر دعوة ربي يحـــــسن مثــــواه

ويغفرلوا يوم أينادي البــــــراح ويا ويح اللِّي عــــــــصا مَنْ أنهاه

ويرحم امة من سرى بلا جناح ويرحم اللي علـــــــموا واللّي رباه