منتدى سلس
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

انا نبكي على فراق العزيزة الحنانة - الام-

اذهب الى الأسفل

انا نبكي على فراق العزيزة الحنانة - الام- Empty انا نبكي على فراق العزيزة الحنانة - الام-

مُساهمة من طرف saliman في 2/12/2012, 11:55 pm

انا نبكي على فراق الحنانة في هذه الدنيا ما ننظرها بالعين
جيت نفارس باش نوجد حنانة ما هو في بالي للموت راهي تصير
يا عيني وعلا ش راكي سهرانة يا عيني كفي من الدمعة يا عين
قالت لي و علا ش تلوم عنا من اصل الدمعة تسيل على الخدين
قلتلها دموعك راهي حرقتنا من واجب عنا نكون صبارين
واش يجيبوا غير ربي يعذبنا لموت تكونلهم في الحين

لا اله الا الله و الواحد ربي بالصلاة على محمد النبي العربي
ربي وعده حق ما هو ظالمنا من امر ما كانش هربة لوين
اصبر يا قلبي وربي يؤاجرنا خاف المولى لا نكونوا ظالمين
انطق وقال واش يصبرنا هذي الحجلة جاملتنا بالجنحين
نوليها قدرة تفرفر وجينا نعيشوا لباس فيها زهوانين
والا نغدو شورها تتلاقنا تفرح بينا كي نجوا ليها حواسين
نستعمل طاكسي جديدة عجلانة الطريق مليحة وهواها زين
ولا سفينة تقطعنا ولا طيارة تفرفر بالجنحين

لا اله الا الله و الواحد ربي بالصلاة على محمد النبي العربي

اذا ما صبناش واش يوصلنا نبقى طول الدهر نمشي على الرجلين
لا بد بها الخالق يجمعنا بعد الفرقة نولوا مجمولين
يا عزيزة ما هوش امرك بيدينا هذا امر الله ما عنديش منين
ما جيت بالجاه واهله بعدونا ما جيتي بالمال ولا بالسكين
ما كي محبوسة ستعملتي فتنة حكمولك بالسجن فيه العساسين
قطعولك بالسجن كذا من سنة البيبان مغلقة والصور حصين
ماكي في الغربان نجو ولا جينا في سيارة عجلة تعزر في الحين
ولا تيليفون منك يوصلنا يعجبني صوتك نسمع بالوذنين
لا اله الا الله و الواحد ربي بالصلاة على محمد النبي العربي
يا نفسي يهديك ربي مولانا عدت نطاوع فيك مانا متفقين
ها الشيء محال محال علين ا خافي ربي لا نعودوا خاسرين
هذ الدنيا صادة ما تعجنا في هذه الدنيا ما ندوموا خالدين
هي صدت ما ترجعش لينا وحنا بيها لا بد لاحقين
ما نعرف الشعر ما هو مهنتنا فلا ربما نكونوا مخطئين
ربي يا ماليك عنه تعذرنا سبحانك انت عالم باليقين
لا اله الا الله و الدائم ربي بالصلاة على محمد النبي العربي
يا سامع مجيب حي لا تفنى تفعل ما تريد بينا رمشة عين
كلش سابق قبل ما تخلقنا يا الواقع مكتوب عنا في الجبين
ادخل هذه الام فسيح الجنة بجاه حبيبنا طاها الامين
وارضى يا ربي علينا وارحمها واجعلها يا رب جوار المرسلين
في مقعد صدق بها تجمعنا في جنة الخلد نراها بالعين

لا اله الا الله و الدائم ربي بالصلاة على محمد النبي العربي


saliman
عضو مبتدئ
عضو مبتدئ

عدد المشاركات : 20
نقاط التميز : 62
تاريخ التسجيل : 29/11/2012

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى